Léif Kanner,
Léif Elteren,

D’Wuel an d’Sécherheet vun eise Kanner a vun hire Kollegen interesséiert eis all a geet eis och all eppes un. Aus dësem Grond proposéiere mir Iech eng Charte vum Schüler.

Dës Charte ass ausgeschafft ginn vun de Kanner aus der Primärschoul ënnert der Opsiicht vum Léierpersonal an an enker Zesummenaarbecht mat der Elterevereenegung, de Gemengevertrieder a Vertrieder vu Voyages Vandivinit.

Et geet eis hei drëm, déi elementar Regelen vu guddem Behuelen ze rappeléieren, an d’Kanner esouwéi d’Elteren ze responsabiliséiren nom Motto vum ‘Frouen Zesummeliewen’. D’Ausschaffen vun dëser Charte baséiert op der Iddi, fir de Schülertransport an e Kader ze setzen, wou allgemeng Regele bestinn, déi jidderengem bekannt sinn an déi och jiddereen respektéiren soll. Dës Regelen sinn an eisen Aen wichteg, fir déi aus der Vergaangenheet bekannte Problemer ze vermeiden.

Dofir ass et wichteg a wënschenswäert, datt all Kand, dat mam Schoulbus matfiert, dës Charte mat sengen Elteren duerchdiskutéiert: et geet drëm, datt Kleng a Grouss d’Regelen kennen, a virun allem och dono lieft.

Duerch d’Ennerschrëft vun der Charte vum Schüler erkläert all Kand, datt et d’Regele kennt, se akzetpéiert an se och applizéiert.

Pro Klass diskutéieren och d’Kanner zesumme mat hire Kollegen a mam Léierpersonal éier d’Charte vum Schüler da gemeinsam ënnerschriwwe gëtt.

Mir hun alleguer Kanner, déi sech den Ëmstänn entspriechend, méi oder manner gutt behuelen. Fir eventuell optriedend Konflikter einfach a kloer, mä virun allem konstruktiv ze léisen, proposéiere mir folgend Engagementer ze huelen:

• mir suergen dofir, datt eist Kand d’Léierpersonal, de Buschauffer ,... respektéiert an d’Regelen applizéiert


• wann eist Kand d’Regele vu Sécherheet a Respekt net applizéiert, an doduerch sech oder seng Kollegen a Gefor bréngt,
  
  
  • da si mir frou, wann en Erwuessenen eist Kand héiflech op säi Feeler hiweist, an him domat fir d’Zukunf weiderhëlleft
  
  
  • da si mir frou, wa mir informéiert ginn, wann dat regelméisseg bei eisem Kand festgestallt gëtt
  
  
  • da si mir mat d’accord, wann d’Léierpersonal eist Kand mat enger edukativer Aufgab bestroft, an him esou kloer mécht, wat falsch ass
  
  
• wann eist Kand sech oder Anerer permanent a Gefor bréngt, an den Uweisunge vum Léierpersonal, Buschauffeur,... keng Rechnung dréit, kënnen a sollen d’Gemengenautoritéiten, mat der Ënnerstëtzung vum Léierpersonal, vun der Elterevereenegung an der Transportfirma, d’Eltere schrëftlech benorichtegen, fir zesummen no enger Léisung ze sichen

Dës Charte ass ausgeschafft ginn, zesumme mat de Kanner, dem Léierpersonal, de Gemengenautoritéiten, der Elterevereenegung an der Transportfirma Voyages Vandivinit.

Fir de Respekt, d’Educatioun an d’Sécherheet !

Wie benehmen wir uns im Autobus?

1. Wir warten auf den Bus

• Wir laufen nicht zum Bus.
• Wir stoßen andere Schüler nicht.
• Wir drängeln nicht beim Einsteigen.
• Wir warten vor der Linie oder vor dem Gitter, bis der Bus steht und die Tür geöffnet ist.

2. Im Bus

• Wir setzen uns auf einen Sitzplatz und schnallen uns an.
• Die älteren Schüler gehen nach hinten in den Bus. Der vordere Teil des Busses ist für die Kleinen reserviert.
• Wir halten keine Sitze mit Schulranzen usw. frei.
• Wir schlagen oder bedrohen keine anderen Kinder. Auch ihre Kleidungsstücke (Jacken, Mützen usw.) werden nicht beschädigt.
• Wir beschädigen den Bus nicht. Wenn etwas kaputt ist, benachrichtigen wir am Ende der Fahrt den Fahrer.
• Wir sind höflich zum Fahrer und gehorchen ihm.
• Während der Fahrt bleiben wir sitzen.
• Wir vermeiden alles, was den Fahrer ablenken oder die Sicherheit im Bus gefährden kann (Feuerzeug, Messer,...).

3. Wir steigen aus dem Bus

• Wir bleiben sitzen, bis der Bus hält.
• Wir drängeln nicht.
• Wir gehen auf direktem Weg zur Schule oder nach Hause.
• Wir schlagen oder bedrohen andere Kinder nicht, auch wenn wir nicht mehr im Bus sind.